విఘ్నేశ విఘ్నచయఖండననామధేయ
శ్రీశంకరాత్మజ సురాధిపవంద్యపాద ।
దుర్గామహావ్రతఫలాఖిలమంగళాత్మన్
విఘ్నం మమాపహర సిద్ధివినాయక త్వమ్ ॥ 1 ॥
సత్పద్మరాగమణివర్ణశరీరకాంతిః
శ్రీసిద్ధిబుద్ధిపరిచర్చితకుంకుమశ్రీః ।
వక్షఃస్థలే వలయితాతిమనోజ్ఞశుండో
విఘ్నం మమాపహర సిద్ధివినాయక త్వమ్ ॥ 2 ॥
పాశాంకుశాబ్జపరశూంశ్చ దధచ్చతుర్భి-
-ర్దోర్భిశ్చ శోణకుసుమస్రగుమాంగజాతః ।
సిందూరశోభితలలాటవిధుప్రకాశో
విఘ్నం మమాపహర సిద్ధివినాయక త్వమ్ ॥ 3 ॥
కార్యేషు విఘ్నచయభీతవిరించముఖ్యైః
సంపూజితః సురవరైరపి మోదకాద్యైః ।
సర్వేషు చ ప్రథమమేవ సురేషు పూజ్యో
విఘ్నం మమాపహర సిద్ధివినాయక త్వమ్ ॥ 4 ॥
శీఘ్రాంచనస్ఖలనతుంగరవోర్ధ్వకంఠ-
-స్థూలేందురుద్రగణహాసితదేవసంఘః ।
శూర్పశ్రుతిశ్చ పృథువర్తులతుంగతుందో
విఘ్నం మమాపహర సిద్ధివినాయక త్వమ్ ॥ 5 ॥
యజ్ఞోపవీతపదలంభితనాగరాజ
మాసాదిపుణ్యదదృశీకృతృక్షరాజః ।
భక్తాభయప్రద దయాలయ విఘ్నరాజ
విఘ్నం మమాపహర సిద్ధివినాయక త్వమ్ ॥ 6 ॥
సద్రత్నసారతతిరాజితసత్కిరీటః
కౌసుంభచారువసనద్వయ ఊర్జితశ్రీః ।
సర్వత్రమంగళకరస్మరణప్రతాపో
విఘ్నం మమాపహర సిద్ధివినాయక త్వమ్ ॥ 7 ॥
దేవాంతకాద్యసురభీతసురార్తిహర్తా
విజ్ఞానబోధనవరేణ తమోఽపహర్తా ।
ఆనందితత్రిభువనేశ కుమారబంధో
విఘ్నం మమాపహర సిద్ధివినాయక త్వమ్ ॥ 8 ॥
ఇతి శ్రీముద్గలపురాణే శ్రీసిద్ధివినాయక స్తోత్రం సంపూర్ణమ్ ।
vighnēśa vighnachayakhaṇḍananāmadhēya
śrīśaṅkarātmaja surādhipavandyapāda ।
durgāmahāvrataphalākhilamaṅgaḻātman
vighnaṃ mamāpahara siddhivināyaka tvam ॥ 1 ॥
satpadmarāgamaṇivarṇaśarīrakāntiḥ
śrīsiddhibuddhiparicharchitakuṅkumaśrīḥ ।
vakṣaḥsthalē valayitātimanōjñaśuṇḍō
vighnaṃ mamāpahara siddhivināyaka tvam ॥ 2 ॥
pāśāṅkuśābjaparaśūṃścha dadhachchaturbhi-
-rdōrbhiścha śōṇakusumasragumāṅgajātaḥ ।
sindūraśōbhitalalāṭavidhuprakāśō
vighnaṃ mamāpahara siddhivināyaka tvam ॥ 3 ॥
kāryēṣu vighnachayabhītaviriñchamukhyaiḥ
sampūjitaḥ suravarairapi mōdakādyaiḥ ।
sarvēṣu cha prathamamēva surēṣu pūjyō
vighnaṃ mamāpahara siddhivināyaka tvam ॥ 4 ॥
śīghrāñchanaskhalanatuṅgaravōrdhvakaṇṭha-
-sthūlēndurudragaṇahāsitadēvasaṅghaḥ ।
śūrpaśrutiścha pṛthuvartulatuṅgatundō
vighnaṃ mamāpahara siddhivināyaka tvam ॥ 5 ॥
yajñōpavītapadalambhitanāgarāja
māsādipuṇyadadṛśīkṛtṛkṣarājaḥ ।
bhaktābhayaprada dayālaya vighnarāja
vighnaṃ mamāpahara siddhivināyaka tvam ॥ 6 ॥
sadratnasāratatirājitasatkirīṭaḥ
kausumbhachāruvasanadvaya ūrjitaśrīḥ ।
sarvatramaṅgaḻakarasmaraṇapratāpō
vighnaṃ mamāpahara siddhivināyaka tvam ॥ 7 ॥
dēvāntakādyasurabhītasurārtihartā
vijñānabōdhanavarēṇa tamō’pahartā ।
ānanditatribhuvanēśa kumārabandhō
vighnaṃ mamāpahara siddhivināyaka tvam ॥ 8 ॥
iti śrīmudgalapurāṇē śrīsiddhivināyaka stōtraṃ sampūrṇam ।