ప్రభాత శ్లోకః
కరాగ్రే వసతే లక్ష్మీః కరమధ్యే సరస్వతీ ।
కరమూలే స్థితా గౌరీ ప్రభాతే కరదర్శనమ్ ॥
[పాఠభేదః – కరమూలే తు గోవిందః ప్రభాతే కరదర్శనమ్ ॥]
ప్రభాత భూమి శ్లోకః
సముద్ర వసనే దేవీ పర్వత స్తన మండలే ।
విష్ణుపత్ని నమస్తుభ్యం, పాదస్పర్శం క్షమస్వమే ॥
సూర్యోదయ శ్లోకః
బ్రహ్మస్వరూప ముదయే మధ్యాహ్నేతు మహేశ్వరమ్ ।
సాహం ధ్యాయేత్సదా విష్ణుం త్రిమూర్తిం చ దివాకరమ్ ॥
స్నాన శ్లోకః
గంగే చ యమునే చైవ గోదావరీ సరస్వతీ
నర్మదే సింధు కావేరీ జలేస్మిన్ సన్నిధిం కురు ॥
నమస్కార శ్లోకః
త్వమేవ మాతా చ పితా త్వమేవ, త్వమేవ బంధుశ్చ సఖా త్వమేవ ।
త్వమేవ విద్యా ద్రవిణం త్వమేవ, త్వమేవ సర్వం మమ దేవదేవ ॥
భస్మ ధారణ శ్లోకః
శ్రీకరం చ పవిత్రం చ శోక నివారణమ్ ।
లోకే వశీకరం పుంసాం భస్మం త్ర్యైలోక్య పావనమ్ ॥
భోజన పూర్వ శ్లోకాః
బ్రహ్మార్పణం బ్రహ్మ హవిః బ్రహ్మాగ్నౌ బ్రహ్మణాహుతమ్ ।
బ్రహ్మైవ తేన గంతవ్యం బ్రహ్మ కర్మ సమాధినః ॥
అహం-వైఀశ్వానరో భూత్వా ప్రాణినాం దేహమాశ్రితః ।
ప్రాణాపాన సమాయుక్తః పచామ్యన్నం చతుర్విధమ్ ॥
అన్నపూర్ణే సదా పూర్ణే శంకరప్రాణవల్లభే ।
జ్ఞానవైరాగ్య సిద్ధ్యర్థం భిక్షాం దేహి చ పార్వతి ॥
త్వదీయం-వఀస్తు గోవింద తుభ్యమేవ సమర్పయే ।
గృహాణ సుముఖో భూత్వా ప్రసీద పరమేశ్వర ॥
భోజనానంతర శ్లోకః
అగస్త్యం-వైఀనతేయం చ శమీం చ బడబాలనమ్ ।
ఆహార పరిణామార్థం స్మరామి చ వృకోదరమ్ ॥
సంధ్యా దీప దర్శన శ్లోకః
దీపజ్యోతిః పరం బ్రహ్మ దీపజ్యోతిర్జనార్దనః ।
దీపో హరతు మే పాపం దీపజ్యోతిర్నమోఽస్తుతే ॥
శుభం కరోతి కళ్యాణం ఆరోగ్యం ధనసంపదః ।
శత్రు-బుద్ధి-వినాశాయ దీపజ్యోతిర్నమోఽస్తుతే ॥
నిద్రా శ్లోకః
రామం స్కంధం హనుమంతం-వైఀనతేయం-వృఀకోదరమ్ ।
శయనే యః స్మరేన్నిత్యం దుస్వప్న-స్తస్యనశ్యతి ॥
అపరాధ క్షమాపణ స్తోత్రం
అపరాధ సహస్రాణి, క్రియంతేఽహర్నిశం మయా ।
దాసోఽయమితి మాం మత్వా, క్షమస్వ పరమేశ్వర ॥
కరచరణ కృతం-వాఀ కర్మ వాక్కాయజం-వాఀ
శ్రవణ నయనజం-వాఀ మానసం-వాఀపరాధమ్ ।
విహిత మవిహితం-వాఀ సర్వమేతత్ క్షమస్వ
శివ శివ కరుణాబ్ధే శ్రీ మహాదేవ శంభో ॥
కాయేన వాచా మనసేంద్రియైర్వా
బుద్ధ్యాత్మనా వా ప్రకృతేః స్వభావాత్ ।
కరోమి యద్యత్సకలం పరస్మై
నారాయణాయేతి సమర్పయామి ॥
దేవతా స్తోత్రాః
కార్య ప్రారంభ స్తోత్రాః
శుక్లాం బరధరం-విఀష్ణుం శశివర్ణం చతుర్భుజమ్ ।
ప్రసన్నవదనం ధ్యాయేత్ సర్వ విఘ్నోపశాంతయే ॥
యస్యద్విరద వక్త్రాద్యాః పారిషద్యాః పరశ్శతమ్ ।
విఘ్నం నిఘ్నంతు సతతం-విఀష్వక్సేనం తమాశ్రయే ॥
గణేశ స్తోత్రం
వక్రతుండ మహాకాయ సూర్యకోటి సమప్రభః ।
నిర్విఘ్నం కురు మే దేవ సర్వ కార్యేషు సర్వదా ॥
అగజానన పద్మార్కం గజానన మహర్నిశమ్ ।
అనేకదం-తం భక్తానాం-ఏకదంత-ముపాస్మహే ॥
విష్ణు స్తోత్రం
శాంతాకారం భుజగశయనం పద్మనాభం సురేశం
విశ్వాధారం గగన సదృశం మేఘవర్ణం శుభాంగమ్ ।
లక్ష్మీకాంతం కమలనయనం-యోఀగిహృద్ధ్యానగమ్యం
వందే విష్ణుం భవభయహరం సర్వలోకైకనాథమ్ ॥
గాయత్రి మంత్రం
ఓం భూర్భువ॒స్సువః॒ । తథ్స॑వి॒తుర్వరే᳚ణ్యం॒ ।
భర్గో॑ దే॒వస్య॑ ధీమహి । ధియో॒ యో నః॑ ప్రచోదయా᳚త్ ॥
శివ స్తోత్రం
త్ర్యం॑బకం-యఀజామహే సుగం॒ధిం పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బంధ॑నాన్-మృత్యో॑ర్-ముక్షీయ॒ మాఽమృతా᳚త్ ॥
వందే శంభుముమాపతిం సురగురుం-వంఀదే జగత్కారణం
వందే పన్నగభూషణం శశిధరం-వంఀదే పశూనాం పతిం ।
వందే సూర్యశశాంక వహ్నినయనం-వంఀదే ముకుందప్రియం
వందే భక్తజనాశ్రయం చ వరదం-వంఀదే శివం శంకరం ॥
సుబ్రహ్మణ్య స్తోత్రం
శక్తిహస్తం-విఀరూపాక్షం శిఖివాహం షడాననం
దారుణం రిపురోగఘ్నం భావయే కుక్కుట ధ్వజమ్ ।
స్కందం షణ్ముఖం దేవం శివతేజం చతుర్భుజం
కుమారం స్వామినాధం తం కార్తికేయం నమామ్యహమ్ ॥
గురు శ్లోకః
గురుర్బ్రహ్మ గురుర్విష్ణుః గురుర్దేవో మహేశ్వరః ।
గురుః సాక్షాత్ పరబ్రహ్మ తస్మై శ్రీ గురవే నమః ॥
హనుమ స్తోత్రాః
మనోజవం మారుత తుల్యవేగం జితేంద్రియం బుద్ధిమతాం-వఀరిష్టమ్ ।
వాతాత్మజం-వాఀనరయూధ ముఖ్యం శ్రీరామదూతం శిరసా నమామి ॥
బుద్ధిర్బలం-యఀశోధైర్యం నిర్భయత్వమరోగతా ।
అజాడ్యం-వాఀక్పటుత్వం చ హనుమస్స్మరణాద్-భవేత్ ॥
జయత్యతి బలో రామో లక్ష్మణస్య మహాబలః ।
రాజా జయతి సుగ్రీవో రాఘవేణాభి పాలితః ॥
దాసోఽహం కోసలేంద్రస్య రామస్యాక్లిష్ట కర్మణః ।
హనుమాన్ శత్రుసైన్యానాం నిహంతా మారుతాత్మజః ॥
శ్రీరామ స్తోత్రాం
శ్రీ రామ రామ రామేతి రమే రామే మనోరమే
సహస్రనామ తత్తుల్యం రామ నామ వరాననే
శ్రీ రామచంద్రః శ్రితపారిజాతః సమస్త కళ్యాణ గుణాభిరామః ।
సీతాముఖాంభోరుహాచంచరీకో నిరంతరం మంగళమాతనోతు ॥
శ్రీకృష్ణ స్తోత్రం
మందారమూలే మదనాభిరామం
బింబాధరాపూరిత వేణునాదమ్ ।
గోగోప గోపీజన మధ్యసంస్థం
గోపం భజే గోకుల పూర్ణచంద్రమ్ ॥
గరుడ స్వామి స్తోత్రం
కుంకుమాంకితవర్ణాయ కుందేందు ధవళాయ చ ।
విష్ణు వాహ నమస్తుభ్యం పక్షిరాజాయ తే నమః ॥
దక్షిణామూర్తి స్తోత్రం
గురవే సర్వలోకానాం భిషజే భవరోగిణామ్ ।
నిధయే సర్వ విద్యానాం శ్రీ దక్షిణామూర్తయే నమ ॥
సరస్వతీ శ్లోకః
సరస్వతీ నమస్తుభ్యం-వఀరదే కామరూపిణీ ।
విద్యారంభం కరిష్యామి సిద్ధిర్భవతు మే సదా ॥
యా కుందేందు తుషార హార ధవళా, యా శుభ్ర వస్త్రావృతా ।
యా వీణా వరదండ మండిత కరా, యా శ్వేత పద్మాసనా ।
యా బ్రహ్మాచ్యుత శంకర ప్రభృతిభిర్-దేవైః సదా పూజితా ।
సా మాం పాతు సరస్వతీ భగవతీ నిశ్శేషజాడ్యాపహా ॥
లక్ష్మీ శ్లోకః
లక్ష్మీం క్షీరసముద్ర రాజ తనయాం శ్రీరంగ ధామేశ్వరీమ్ ।
దాసీభూత సమస్త దేవ వనితాం-లోఀకైక దీపాంకురామ్ ।
శ్రీమన్మంధ కటాక్ష లబ్ధ విభవ బ్రహ్మేంద్ర గంగాధరామ్ ।
త్వాం త్రైలోక్యకుటుంబినీం సరసిజాం-వంఀదే ముకుందప్రియామ్ ॥
దుర్గా దేవీ స్తోత్రం
సర్వ స్వరూపే సర్వేశే సర్వ శక్తి సమన్వితే ।
భయేభ్యస్తాహి నో దేవి దుర్గాదేవి నమోస్తుతే ॥
త్రిపురసుందరీ స్తోత్రం
ఓంకార పంజర శుకీం ఉపనిషదుద్యాన కేళి కలకంఠీమ్ ।
ఆగమ విపిన మయూరీం ఆర్యాం అంతర్విభావయేద్గౌరీమ్ ॥
దేవీ శ్లోకః
సర్వ మంగల మాంగల్యే శివే సర్వార్థ సాధికే ।
శరణ్యే త్ర్యంబకే దేవి నారాయణి నమోస్తుతే ॥
వేంకటేశ్వర శ్లోకః
శ్రియః కాంతాయ కళ్యాణనిధయే నిధయేఽర్థినామ్ ।
శ్రీ వేంకట నివాసాయ శ్రీనివాసాయ మంగళమ్ ॥
దక్షిణామూర్తి శ్లోకః
గురవే సర్వలోకానాం భిషజే భవరోగిణామ్ ।
నిధయే సర్వవిద్యానాం దక్షిణామూర్తయే నమః ॥
బౌద్ధ ప్రార్థన
బుద్ధం శరణం గచ్ఛామి
ధర్మం శరణం గచ్ఛామి
సంఘం శరణం గచ్ఛామి
శాంతి మంత్రం
అసతోమా సద్గమయా ।
తమసోమా జ్యోతిర్గమయా ।
మృత్యోర్మా అమృతంగమయా ।
ఓం శాంతిః శాంతిః శాంతిః
సర్వే భవంతు సుఖినః సర్వే సంతు నిరామయాః ।
సర్వే భద్రాణి పశ్యంతు మా కశ్చిద్దుఃఖ భాగ్భవేత్ ॥
ఓం శాంతిః శాంతిః శాంతిః
ఓం సర్వేషాం స్వస్తిర్భవతు,
సర్వేషాం శాంతిర్భవతు ।
సర్వేషాం పూర్ణం భవతు,
సర్వేషాం మంగళం భవతు ।
ఓం శాంతిః శాంతిః శాంతిః
ఓం స॒హ నా॑వవతు । స॒ నౌ॑ భునక్తు । స॒హ వీ॒ర్యం॑ కరవావహై ।
తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ ॥
ఓం శాంతిః॒ శాంతిః॒ శాంతిః॑ ॥
స్వస్తి మంత్రాః
స్వస్తి ప్రజాభ్యః పరిపాలయంతాం
న్యాయేన మార్గేణ మహీం మహీశాః ।
గోబ్రాహ్మణేభ్య-శ్శుభమస్తు నిత్యం
లోకా-స్సమస్తా-స్సుఖినో భవంతు ॥
కాలే వర్షతు పర్జన్యః పృథివీ సస్యశాలినీ ।
దేశోయం క్షోభరహితో బ్రాహ్మణాస్సంతు నిర్భయాః ॥
విశేష మంత్రాః
పంచాక్షరీ మంత్రం – ఓం నమశ్శివాయ
అష్టాక్షరీ మంత్రం – ఓం నమో నారాయణాయ
ద్వాదశాక్షరీ మంత్రం – ఓం నమో భగవతే వాసుదేవాయ
prabhāta ślōkaḥ
karāgrē vasatē lakṣmīḥ karamadhyē sarasvatī ।
karamūlē sthitā gaurī prabhātē karadarśanam ॥
[pāṭhabhēdaḥ – karamūlē tu gōvindaḥ prabhātē karadarśanam ॥]
prabhāta bhūmi ślōkaḥ
samudra vasanē dēvī parvata stana maṇḍalē ।
viṣṇupatni namastubhyam, pādasparśa-ṅkṣamasvamē ॥
sūryōdaya ślōkaḥ
brahmasvarūpa mudayē madhyāhnētu mahēśvaram ।
sāha-ndhyāyētsadā viṣṇu-ntrimūrti-ñcha divākaram ॥
snāna ślōkaḥ
gaṅgē cha yamunē chaiva gōdāvarī sarasvatī
narmadē sindhu kāvērī jalēsmin sannidhi-ṅkuru ॥
namaskāra ślōkaḥ
tvamēva mātā cha pitā tvamēva, tvamēva bandhuścha sakhā tvamēva ।
tvamēva vidyā draviṇa-ntvamēva, tvamēva sarva-mmama dēvadēva ॥
bhasma dhāraṇa ślōkaḥ
śrīkara-ñcha pavitra-ñcha śōka nivāraṇam ।
lōkē vaśīkara-mpuṃsā-mbhasma-ntryailōkya pāvanam ॥
bhōjana pūrva ślōkāḥ
brahmārpaṇa-mbrahma haviḥ brahmāgnau brahmaṇāhutam ।
brahmaiva tēna gantavya-mbrahma karma samādhinaḥ ॥
ahaṃ vaiśvānarō bhūtvā prāṇinā-ndēhamāśritaḥ ।
prāṇāpāna samāyuktaḥ pachāmyanna-ñchaturvidham ॥
annapūrṇē sadā pūrṇē śaṅkaraprāṇavallabhē ।
jñānavairāgya siddhyartha-mbhikṣā-ndēhi cha pārvati ॥
tvadīyaṃ vastu gōvinda tubhyamēva samarpayē ।
gṛhāṇa sumukhō bhūtvā prasīda paramēśvara ॥
bhōjanānantara ślōkaḥ
agastyaṃ vainatēya-ñcha śamī-ñcha baḍabālanam ।
āhāra pariṇāmārthaṃ smarāmi cha vṛkōdaram ॥
sandhyā dīpa darśana ślōkaḥ
dīpajyōtiḥ para-mbrahma dīpajyōtirjanārdanaḥ ।
dīpō haratu mē pāpa-ndīpajyōtirnamō-‘stutē ॥
śubha-ṅkarōti kaḻyāṇaṃ ārōgya-ndhanasampadaḥ ।
śatru-buddhi-vināśāya dīpajyōtirnamō-‘stutē ॥
nidrā ślōkaḥ
rāmaṃ skandhaṃ hanumantaṃ vainatēyaṃ vṛkōdaram ।
śayanē ya-ssmarēnnitya-ndusvapna-stasyanaśyati ॥
aparādha kṣamāpaṇa stōtraṃ
aparādha sahasrāṇi, kriyantē-‘harniśa-mmayā ।
dāsō-‘yamiti mā-mmatvā, kṣamasva paramēśvara ॥
karacharaṇa kṛtaṃ vā karma vākkāyajaṃ vā
śravaṇa nayanajaṃ vā mānasaṃ vāparādham ।
vihita mavihitaṃ vā sarvamēta-tkṣamasva
śiva śiva karuṇābdhē śrī mahādēva śambhō ॥
kāyēna vāchā manasēndriyairvā
buddhyātmanā vā prakṛtē-ssvabhāvāt ।
karōmi yadyatsakala-mparasmai
nārāyaṇāyēti samarpayāmi ॥
dēvatā stōtrāḥ
kārya prārambha stōtrāḥ
śuklā-mbaradharaṃ viṣṇuṃ śaśivarṇa-ñchaturbhujam ।
prasannavadana-ndhyāyē-thsarva vighnōpaśāntayē ॥
yasyadvirada vaktrādyāḥ pāriṣadyāḥ paraśśatam ।
vighna-nnighnantu satataṃ viṣvaksēna-ntamāśrayē ॥
gaṇēśa stōtraṃ
vakratuṇḍa mahākāya sūryakōṭi samaprabhaḥ ।
nirvighna-ṅkuru mē dēva sarva kāryēṣu sarvadā ॥
agajānana padmārka-ṅgajānana maharniśam ।
anēkadan-ta-mbhaktānām-ēkadanta-mupāsmahē ॥
viṣṇu stōtraṃ
śāntākāra-mbhujagaśayana-mpadmanābhaṃ surēśaṃ
viśvādhāra-ṅgagana sadṛśa-mmēghavarṇaṃ śubhāṅgam ।
lakṣmīkānta-ṅkamalanayanaṃ yōgihṛddhyānagamyaṃ
vandē viṣṇu-mbhavabhayaharaṃ sarvalōkaikanātham ॥
gāyatri mantraṃ
ō-mbhūrbhuva̠ssuva̠ḥ । tathsa̍vi̠turvarē̎ṇyaṃ̠ ।
bhargō̍ dē̠vasya̍ dhīmahi । dhiyō̠ yō na̍ḥ prachōdayā̎t ॥
śiva stōtraṃ
trya̍mbakaṃ yajāmahē suga̠ndhi-mpu̍ṣṭi̠vardha̍nam ।
u̠rvā̠ru̠kami̍va̠ bandha̍nā-nmṛtyō̍r-mukṣīya̠ mā-‘mṛtā̎t ॥
vandē śambhumumāpatiṃ suraguruṃ vandē jagatkāraṇaṃ
vandē pannagabhūṣaṇaṃ śaśidharaṃ vandē paśūnā-mpatim ।
vandē sūryaśaśāṅka vahninayanaṃ vandē mukundapriyaṃ
vandē bhaktajanāśraya-ñcha varadaṃ vandē śivaṃ śaṅkaram ॥
subrahmaṇya stōtraṃ
śaktihastaṃ virūpākṣaṃ śikhivāhaṃ ṣaḍānanaṃ
dāruṇaṃ ripurōgaghna-mbhāvayē kukkuṭa dhvajam ।
skandaṃ ṣaṇmukha-ndēvaṃ śivatēja-ñchaturbhujaṃ
kumāraṃ svāminādha-nta-ṅkārtikēya-nnamāmyaham ॥
guru ślōkaḥ
gururbrahma gururviṣṇuḥ gururdēvō mahēśvaraḥ ।
guru-ssākṣā-tparabrahma tasmai śrī guravē namaḥ ॥
hanuma stōtrāḥ
manōjava-mmāruta tulyavēga-ñjitēndriya-mbuddhimatāṃ variṣṭam ।
vātātmajaṃ vānarayūdha mukhyaṃ śrīrāmadūtaṃ śirasā namāmi ॥
buddhirbalaṃ yaśōdhairya-nnirbhayatvamarōgatā ।
ajāḍyaṃ vākpaṭutva-ñcha hanumassmaraṇā-dbhavēt ॥
jayatyati balō rāmō lakṣmaṇasya mahābalaḥ ।
rājā jayati sugrīvō rāghavēṇābhi pālitaḥ ॥
dāsō-‘ha-ṅkōsalēndrasya rāmasyākliṣṭa karmaṇaḥ ।
hanumān śatrusainyānā-nnihantā mārutātmajaḥ ॥
śrīrāma stōtrāṃ
śrī rāma rāma rāmēti ramē rāmē manōramē
sahasranāma tattulyaṃ rāma nāma varānanē
śrī rāmachandra-śśritapārijāta-ssamasta kaḻyāṇa guṇābhirāmaḥ ।
sītāmukhāmbhōruhāchañcharīkō nirantara-mmaṅgaḻamātanōtu ॥
śrīkṛṣṇa stōtraṃ
mandāramūlē madanābhirāmaṃ
bimbādharāpūrita vēṇunādam ।
gōgōpa gōpījana madhyasaṃsthaṃ
gōpa-mbhajē gōkula pūrṇachandram ॥
garuḍa svāmi stōtraṃ
kuṅkumāṅkitavarṇāya kundēndu dhavaḻāya cha ।
viṣṇu vāha namastubhya-mpakṣirājāya tē namaḥ ॥
dakṣiṇāmūrti stōtraṃ
guravē sarvalōkānā-mbhiṣajē bhavarōgiṇām ।
nidhayē sarva vidyānāṃ śrī dakṣiṇāmūrtayē nama ॥
sarasvatī ślōkaḥ
sarasvatī namastubhyaṃ varadē kāmarūpiṇī ।
vidyārambha-ṅkariṣyāmi siddhirbhavatu mē sadā ॥
yā kundēndu tuṣāra hāra dhavaḻā, yā śubhra vastrāvṛtā ।
yā vīṇā varadaṇḍa maṇḍita karā, yā śvēta padmāsanā ।
yā brahmāchyuta śaṅkara prabhṛtibhir-dēvai-ssadā pūjitā ।
sā mā-mpātu sarasvatī bhagavatī niśśēṣajāḍyāpahā ॥
lakṣmī ślōkaḥ
lakṣmī-ṅkṣīrasamudra rāja tanayāṃ śrīraṅga dhāmēśvarīm ।
dāsībhūta samasta dēva vanitāṃ lōkaika dīpāṅkurām ।
śrīmanmandha kaṭākṣa labdha vibhava brahmēndra gaṅgādharām ।
tvā-ntrailōkyakuṭumbinīṃ sarasijāṃ vandē mukundapriyām ॥
durgā dēvī stōtraṃ
sarva svarūpē sarvēśē sarva śakti samanvitē ।
bhayēbhyastāhi nō dēvi durgādēvi namōstutē ॥
tripurasundarī stōtraṃ
ōṅkāra pañjara śukīṃ upaniṣadudyāna kēḻi kalakaṇṭhīm ।
āgama vipina mayūrīṃ āryāṃ antarvibhāvayēdgaurīm ॥
dēvī ślōkaḥ
sarva maṅgala māṅgalyē śivē sarvārtha sādhikē ।
śaraṇyē tryambakē dēvi nārāyaṇi namōstutē ॥
vēṅkaṭēśvara ślōkaḥ
śriyaḥ kāntāya kaḻyāṇanidhayē nidhayē-‘rthinām ।
śrī vēṅkaṭa nivāsāya śrīnivāsāya maṅgaḻam ॥
dakṣiṇāmūrti ślōkaḥ
guravē sarvalōkānā-mbhiṣajē bhavarōgiṇām ।
nidhayē sarvavidyānā-ndakṣiṇāmūrtayē namaḥ ॥
bauddha prārthana
buddhaṃ śaraṇa-ṅgachChāmi
dharmaṃ śaraṇa-ṅgachChāmi
saṅghaṃ śaraṇa-ṅgachChāmi
śānti mantraṃ
asatōmā sadgamayā ।
tamasōmā jyōtirgamayā ।
mṛtyōrmā amṛtaṅgamayā ।
ōṃ śānti-śśānti-śśāntiḥ
sarvē bhavantu sukhina-ssarvē santu nirāmayāḥ ।
sarvē bhadrāṇi paśyantu mā kaśchidduḥkha bhāgbhavēt ॥
ōṃ śānti-śśānti-śśāntiḥ
ōṃ sarvēṣāṃ svastirbhavatu,
sarvēṣāṃ śāntirbhavatu ।
sarvēṣā-mpūrṇa-mbhavatu,
sarvēṣā-mmaṅgaḻa-mbhavatu ।
ōṃ śānti-śśānti-śśāntiḥ
ōṃ sa̠ha nā̍vavatu । sa̠ nau̍ bhunaktu । sa̠ha vī̠rya̍-ṅkaravāvahai ।
tē̠ja̠svinā̠vadhī̍tamastu̠ mā vi̍dviṣā̠vahai̎ ॥
ōṃ śānti̠-śśānti̠-śśānti̍ḥ ॥
svasti mantrāḥ
svasti prajābhyaḥ paripālayantāṃ
nyāyēna mārgēṇa mahī-mmahīśāḥ ।
gōbrāhmaṇēbhya-śśubhamastu nityaṃ
lōkā-ssamastā-ssukhinō bhavantu ॥
kālē varṣatu parjanyaḥ pṛthivī sasyaśālinī ।
dēśōya-ṅkṣōbharahitō brāhmaṇāssantu nirbhayāḥ ॥
viśēṣa mantrāḥ
pañchākṣarī mantraṃ – ō-nnamaśśivāya
aṣṭākṣarī mantraṃ – ō-nnamō nārāyaṇāya
dvādaśākṣarī mantraṃ – ō-nnamō bhagavatē vāsudēvāya